На вялізным пажары ў Мінску выратавалі восем чалавек (фота, відэа)
Праўда, два з іх — у вельмі цяжкім стане.
У канцы працоўнага дня 13 лістапада ратавальнікі атрымалі паведамленне пра пажар ў доме 23а па вуліцы Карастаянавай. Пра яго паведамілі суседзі.
Як паведамляюць "Мінск-Навіны" са словаў прэс-сакратара Мінскага гарадскога ўпраўлення МНС Віталя Дэмбоўскага, на месцы ратавальнікі выявілі, што адкрытым полымем гарыць аднапакаёвая кватэра на сёмым паверсе.
Работнікі МНС выратавалі восем чалавек, яшчэ 27 чалавек эвакуявалі. Двое з выратаваных — у вельмі цяжкім стане. Пацярпелі на пажары тры пажылыя мужчыны: атрымалі апёкі і атручванне дымам. Усе яны былі нецвярозыя. Іх даставілі ў лякарню.
Прычына пажару высвятляецца.
Фота Віталя Дэмбоўскага
