На волю выйшаў палітвязень Дзяніс Дземух
На волю выйшаў палітвязень Дзяніс Дземух, паведамляюць праваабаронцы. За кратамі ён быў з кастрычніка 2020 года і ўжо адбыў пакаранне ў калоніі (амаль 15 месяцаў).
Дземух быў затрыманы ў сталіцы пасля вулічнай акцыі "Марш вызвалення палітвязняў". Яго асудзілі ў сакавіку 2021-га судом Заводскага раёна Мінска на 1 год і 6 месяцаў пазбаўлення волі ў калоніі агульнага рэжыму. Артыкул — "Актыўны ўдзел у групавых дзеяннях, якія груба парушаюць грамадскі парадак". Дзяніс Дземух быў прызнаны палітвязнем.
З папраўчай калоніі № 3 "Віцьбы" ён выйшаў на волю 27 снежня.
