На "Оскар" намінавалі ўкраінскі фільм пра разбураны Расіяй Марыупаль
Стужка "20 дзён у Марыупалі" прэтэндуе на "Оскар" / афіша
У катэгорыі "Найлепшы дакументальны фільм" на кінапрэмію "Оскар" намінавалі стужку ўкраінскага фатографа і журналіста Мсціслава Чарнова "20 дзён у Марыупалі". Разам з ім над фільмам працавалі фатограф Яўген Малалетка і прадзюсар Васіліса Сцепаненка.
Яны прыехалі ў Марыупаль у складзе каманды інфармагенцтва Associated Press за гадзіну да поўнамаштабнага ўварвання Расіі і правялі у аблозе амаль месяц.
Чарноў і Малалетка дасылалі свае фота і відэа, хаваючыся пад лесвіцай блізу разбітай прадуктовай крамы, адзначае BBC.
Стужка "20 дзён у Марыупалі" ўжо атрымала мноства ўзнагарод, у тым ліку Sundance і дзве намінацыі брытанскай прэміі BAFTA.
