На грэчаскім востраве Сантарыні палепшылі ўмовы працы… для аслоў
Улады грэчаскага вострава Сантарыні вырашылі абараніць аслоў ад празмерных нагрузак, якія жывёлы штодня маюць ад турыстаў. Як перадае ВВС, цяпер вызначаны ліміт працоўнага дня для аслоў і палепшаныя ўмовы іх працы.
На Сантарыні спыняюцца круізныя лайнеры, пасажыры якіх часта наймаюць аслоў для прагулак па крутых схілах. Сярод турыстаў трапляюцца мажныя людзі, а жывёлам складана іх вазіць. Апроч таго, іх прымушаюць цягаць на сабе турыстаў на складаных дарогах і спёку.
Ад такіх нагрузак у аслоў з’яўляюцца раны, нацёртыя вупражжу. Тым часам спецыялісты, якія займаюцца абаронай жывёлаў, адзначаюць, што за апошнія 10 гадоў колькасць турыстаў з лішняй вагой павялічылася ўтрая.
