Лукашэнка: расійская авіябаза ў нас не патрэбная ні Беларусі, ні Расіі

Размяшчэнне расійскай авіябазы на тэрыторыі Беларусі не трэба ні беларускаму, ні расійскаму боку, —заявіў Аляксандр Лукашэнка падчас выступлення перад аператыўным зборам каманднага складу Узброеных Сіл Беларусі.

Кіраўнік дзяржавы адзначыў, што ў мірны час у Беларусі ёсць дзяжурныя сілы СПА, у складзе якіх маецца і расійскі кампанент.

Разам з гэтым, Лукашэнка адзначыў, што ў выпадку развязвання ваеннай агрэсіі супраць Беларусі, лічы і супраць Расіі, будзе ўжытая сумесная рэгіянальная групоўка войскаў. І акрамя беларускіх Узброеных Сілаў у краіну будуць перакінутыя буйныя сілы расійскай арміі, у тым ліку значная колькасць расійскай авіяцыі.

Для гэтага аэрадромы ў Беларусі ўтрымліваюцца ў нармальным стане і гатоўнасці прыняць сотні самалётаў, у тым ліку і Расійскай Федэрацыі для забеспячэння абароны Расіі і Беларусі, заявіў кіраўнік дзяржавы.

Ён таксама адзначыў, што ад размяшчэння расійскай базы ў нас, як Беларусь, так і Расія, будзе мець больш мінусаў, чым плюсаў, паведамляе БЕЛТА.

Фота: belta.by