Лукашэнка падпісаў указ аб дапамозе сем’ям ахвяраў “Пінскдрэва”
Аляксандр Лукашэнка падпісаў указ аб дапамозе сем’ям загінулых работнікаў “Пінскдрэву”, а таксама пацярпелым у выніку выбуху, паведамляе БЕЛТА. Так, па 52,5 мільёны рублёў атрымае кожная сям’я загінулага. Гэтую суму, калі дакладней, адрасуюць аднаму з сямейнікаў ці блізкіх сваякоў кожнай ахвяры аварыі. Работнікам, што атрымалі цяжкія цялесныя пашкоджанні, выдаткуюць па 21 мільёну рублёў. Тым, хто атрымаў менш цяжкія траўмы, выплацяць па 10,5 мільёнаў. Усе выплаты будуць за кошт прэзідэнцкага рэзервовага фонду.
