Лепшым альбомам 2010 года Experty.by прызналі "Рух"
Плытка гурта "Дзецідзяцей" перамог у 4-х намінацыях, "Кола вяртанняў" ад праекта Hvarna - у 3-х. Дэбютам года стала пласцінка "На балоце" рэп-гурта Pananieba
1 сакавіка музычны інтэрнэт-рэсурс Experty.by вызначыў лепшыя альбомы мінулага года. Сёлета ўзнагароды ўручаліся ў 9 намінацыях, а галоўная інтрыга хавалася за пытаннем, які альбом эксперты прызнаюць лепшым - "Рух" Дзецідзяцей ці "Афтары правды" Neuro Dubel. У выніку перамагла пласцінка "Рух", пры чым адзначылі яе ў чатырох намінацыях: "Лепшы рок-альбом", "Лепшы беларускамоўны альбом", "Прыз вялікага журы" і "Лепшы альбом". "Лепшым фолк-альбомам" стаў дыск "Кола вяртанняў" ад праекта лідэра Osimira "Hvarna", які таксама атрымаў прызы народных і замежных экспертаў. Дэбютам года эксперты назвалі пласцінку "На балоце" рэп-каманды Pananieba. Лепшым рэкард-лэйблам трэці год запар стаў West-Records.
Неўзабаве чакайце справаздачу з цырымоніі ўручэння ўзнагарод на euroradio.fm
Фота: Цімафей Скібенка
