ЛДП рыхтуе Гайдукевіча да прэзідэнцкай кампаніі
У Палацы культуры Трактарнага заводу ў Мінску праходзіць кангрэс Ліберальна-дэмакратычнай партыі, паведамляе БелаПАН. У кангрэсе бяруць удзел каля 700 дэлегатаў з усіх абласцей Беларусь. Дэлегаты маюць намер разгледзець два пытанні. Першае — стратэгічныя кірункі праграмы кандыдата на пост прэзідэнта ад ЛДП, старшыні партыі Сяргея Гайдукевіча. Другое пытанне — зацвярджэнне складу яго ініцыятыўнай групы. Плануецца, што яна збярэ болей за 2 тысячы чалавек.
