ГУБАЗіК затрымаў блогера, які змагаўся з пратэрмінаванымі таварамі ў крамах
Супрацоўнікі ГУБАЗіКа затрымалі блогера Уладзіслава Абадоўскага, які змагаўся з пратэрмінаванымі таварамі ў крамах, паведамляюць праваабаронцы "Вясны".
"Пакаяльнае відэа" з ім з'явілася на ягоных асабістых старонках. Хлопец на фоне дзвярэй просіць прабачэння ў супрацоўнікаў гандлю, "якім ён даставіў нязручнасці". Пасля гэтага акаўнт Абадоўскага на TikTok быў выдалены, а на YouTube-канале засталося толькі адно відэа.
Праваабаронцы падкрэсліваюць, што Абадоўскі займаўся барацьбой з пратэрмінаванымі таварамі ў крамах і ніяк не закранаў палітыку.
