Гомельская абласная кааліцыя АДС засталася без аднаго з суб'ектаў

Арганізацыя "Гомельскі дэмакратычны форум" 3 сакавіка афіцыйна выйшла са складу Гомельскай абласной кааліцыі Аб'яднаных дэмакратычных сілаў. Як адзначае сайт odsgomel.org, гэта "першы выпадак фактычнага выхаду з АДС на рэгіянальным узроўні". Кіраўніца "Гомельскага дэмакратычнага форума" Дар'я Суворава тлумачыць выхад з кааліцыі АДС тым, што там "не знаходзіцца месца грамадскім актывістам". НДА маглі б супрацоўнічаць з уладамі, а АДС размаўляе з чыноўнікамі "выключна ў выглядзе ўльтыматумаў", кажа яна.

Адзначым, што Суворава ачоліла арганізацыю літаральна некалькі дзён таму, змяніўшы на гэтай пасадзе яе заснавальніка Пятра Кузняцова, які з'яўляецца каардынатарам руху "За Свабоду" па Гомельскай вобласці.