Эпоха будаўніцтва лядовых палацаў скончылася
"У найбліжэйшы час мы гіганцкіх спартыўных збудаванняў узводзіць не будзем", — заявіў Аляксандр Лукашэнка на свяце "Мінская лыжня" ў Раўбічах.
Паводле яго слоў, у краіне пабудавана дастаткова сучасных спарткомплексаў, якія "трэба запаўняць", паведамляе БелаПАН.
Лукашэнка адзначыў, што цяпер намаганні дзяржавы будуць скіраваны на падрыхтоўку спартсменаў "сусветнага ўзроўню". "Мы будзем рабіць упор на падрыхтоўку спартсменаў і добрую зарплату", — сказаў беларускі кіраўнік.
"У нас ёсць сродкі, каб выхоўваць спартсменаў, плаціць трэнерам, ёсць выдатныя аб'екты — паказвайце вынікі", — дадаў Лукашэнка.
