Дзяржаўны сцяг Беларусі стаў чырвона-блакітным (фота)
У Мінску ў вітрыне крамы з’явіўся новы дзяржаўны сцяжок. Замест шырокай зялёнай паласы на гэтым сцягу — паласа блакітная. Фотаздымак вітрыны мэблевай крамы па вуліцы Прытыцкага зрабіў адзін з блогераў, якога цытуе “Беларускі партызан”. Аўтар здымка ўважліва разгледзеў сцяг і нават яго памацаў. Ён абвяргае ўсе падазрэнні ў тым, што сцяг проста выцвіў ці на яго дзіўным чынам падае святло.
