Дзе глядзець першы паўфінал "Еўрабачання"

Першы паўфінал "Еўрабачання-2024" пройдзе ў шведскім горадзе Мальмё 7 траўня. Ужо некалькі гадоў Беларусь у конкурсе не ўдзельнічае і не транслюе шоу.

Але паглядзець "Еўрабачанне" можна, дзе б вы ні знаходзіліся. Арганізатары вядуць анлайн-трансляцыю і паўфіналаў, і фіналу. Так што жывы эфір даступны для ўсіх (плэер глядзіце ніжэй).

Удзельнікі першага паўфіналу "Еўрабачання" выйдуць на сцэну ў такім парадку:

1. Кіпр;
2. Польшча;
3. Сербія;
4. Літва;
5. Харватыя;
6. Ірландыя;
7. Славенія;
8. Ісландыя;
9. Фінляндыя;
10. Партугалія;
11. Люксембург;
12. Аўстралія;
13. Азербайджан;
14. Малдова.

Хто выйдзе ў фінал "Еўрабачання", вызначаць вынікі галасавання гледачоў і прафесійнага журы. Другі паўфінал адбудзецца 9 траўня, а вялікі фінал — 11 траўня. Анлайн-трансляцыі канцэртаў таксама будуць даступныя, мы асобна дадзім на іх спасылкі.