Два чыгуначныя вагоны перакуліліся ў Нясвіжскім раёне (фота)
Пацярпелых у выніку здарэння няма.
Інцыдэнт здарыўся на тэрыторыі ААТ “Гарадзейскі цукровы камбінат”, паведамленне пра яго выратавальнікі МНС атрымалі 2 студзеня ў 4.15.
Як паведамляе прэс-служба МНС, шэсць вагонаў са станцыі Гарадзея ішлі на камбінат. Калі цягнік заязджаў на тэрыторыю прадпрыемства, другі і трэці вагоны з боку лакаматыва перакуліліся.
Пацярпелых у выніку здарэння няма, вядуцца працы па ўздыманні вагонаў.
