Беларускі кантрабандыст пратараніў фурай машыну расійскага спецназу
Буйную партыю санкцыйнай прадукцыі з Беларусі затрымалі расійскія мытнікі ў ноч на 16 чэрвеня каля Вязьмы ў Смаленскай вобласці. Як піша МК, 30 фураў везлі ў Расію польскія яблыкі і грушы пад выглядам крухмалу.
Падчас затрымання адзін з кіроўцаў спрабаваў уцячы і скіраваў свой аўтамабіль у бок мяжы з Беларуссю. За ім зладзілі пагоню, але ён тараніў машыну СОБРа, якая яго пераследавала. Цяпер кіроўца фуры затрыманы, распачатая крымінальная справа па артыкуле 318 КК РФ “Ужыванне гвалту ў дачыненні да прадстаўніка ўлады”.
Нелегальная прадукцыя ішла на маскоўскія аптовыя рынкі. Цяпер затрыманыя грузавікі знаходзяцца на штрафстаянцы, а следчыя высвятляюць прыналежнасць грузу.
