Бандажэўскі: Дэмаграфічныя паказчыкі ў Беларусі вельмі неспрыяльныя
Доктар медыцынскіх навук Юры Бандажэўскі стварае міжнародны цэнтр па праблемах экалогіі і радыяцыйнай бяспекі чалавека. У інтэрв'ю навуковец, які цяпер жыве ў Вільнюсе (Літва), паведаміў, што дзейнасць цэнтра будзе накіраваная на вывучэнне стану здароўя і аказанне дапамогі людзям, якія пражываюць на тэрыторыі Беларусі і краін Балтыі, дзе захоўваецца вельмі неспрыяльная дэмаграфічная сітуацыя. Так, па яго словах, у гэтым рэгіёне смяротнасць удвая перавышае нараджальнасць, расце колькасць анкалагічных і сардэчна-сасудзістых захворванняў, а таксама існуюць значныя праблемы рэпрадукцыі чалавека.
Як адзначыў навуковец, катастрофа на Чарнобыльскай АЭС толькі пагоршыла складаную экалагічную і дэмаграфічную сітуацыю ў рэгіёне. Па яго словах, паводле навуковых даследаванняў, з 1960-х гадоў насельніцтва СССР праз прадукты харчавання падвяргалася штодзённаму ўздзеянню радыёактыўных элементаў, у тым ліку цэзія-137, што стала адной з галоўных прычынаў цяперашняга дэмаграфічнага крызісу. "Аб'ектыўныя паказчыкі кажуць аб вельмі цяжкай сітуацыі са здароўем насельніцтва ў Беларусі, найболей пацярпелай ад Чарнобыля. А прагнозныя паказчыкі тут вельмі неспрыяльныя", — падкрэсліў Ю.Бандажэўскі. Па яго словах, цэнтр павінен каардынаваць вывучэнне гэтых праблем і прыцягнуць увагу міжнароднай грамадскасці. Разам з тым навуковец не выключае распрацоўку цэнтрам пытанняў гаспадарчай дзейнасці на пастчарнобыльскіх тэрыторыях і новых тэхналогій з улікам сусветнага досведу.
"Асобны праект цэнтра накіраваны на аказанне пэўнай і якаснай дапамогі беларускім дзецям з боку розных дабрачынных чарнобыльскіх фондаў і асацыяцый, якія дзейнічаюць у Еўропе. Аднак дзейнасць гэтых структур патрабуе аргументаваных кансультацыях навукоўцаў", — адзначыў Ю.Бандажэўскі.
Па яго словах, ідэя стварэння цэнтра атрымала падтрымку грамадскасці Літвы, аднак месца размяшчэння ўстановы пакуль не вызначанае.
БелаПАН
Як адзначыў навуковец, катастрофа на Чарнобыльскай АЭС толькі пагоршыла складаную экалагічную і дэмаграфічную сітуацыю ў рэгіёне. Па яго словах, паводле навуковых даследаванняў, з 1960-х гадоў насельніцтва СССР праз прадукты харчавання падвяргалася штодзённаму ўздзеянню радыёактыўных элементаў, у тым ліку цэзія-137, што стала адной з галоўных прычынаў цяперашняга дэмаграфічнага крызісу. "Аб'ектыўныя паказчыкі кажуць аб вельмі цяжкай сітуацыі са здароўем насельніцтва ў Беларусі, найболей пацярпелай ад Чарнобыля. А прагнозныя паказчыкі тут вельмі неспрыяльныя", — падкрэсліў Ю.Бандажэўскі. Па яго словах, цэнтр павінен каардынаваць вывучэнне гэтых праблем і прыцягнуць увагу міжнароднай грамадскасці. Разам з тым навуковец не выключае распрацоўку цэнтрам пытанняў гаспадарчай дзейнасці на пастчарнобыльскіх тэрыторыях і новых тэхналогій з улікам сусветнага досведу.
"Асобны праект цэнтра накіраваны на аказанне пэўнай і якаснай дапамогі беларускім дзецям з боку розных дабрачынных чарнобыльскіх фондаў і асацыяцый, якія дзейнічаюць у Еўропе. Аднак дзейнасць гэтых структур патрабуе аргументаваных кансультацыях навукоўцаў", — адзначыў Ю.Бандажэўскі.
Па яго словах, ідэя стварэння цэнтра атрымала падтрымку грамадскасці Літвы, аднак месца размяшчэння ўстановы пакуль не вызначанае.
БелаПАН