Андрэй Макарэвіч выступіў перад бежанцамі з зоны АТА (Відэа)
Расійскі спявак наведаў Сямёнаўку, Славянск і Святагорск.
Вядомы расійскі рок-музыка, саліст гурта “Машина времени” Андрэй Макарэвіч наведаў разбураныя населеныя пункты Данбаса, паведамляе украінскі рэсурс korrespondent.net. Пры падтрымцы Фонда валанцёраў Украіны артыст сустрэўся з жыхарамі Славянска на цэнтральным пляцы горада, пасля чаго наведаў мястэчка Сямёнаўка. А ў пансіянаце "Пярліна" ў Святагорску, дзе знаходзяцца ўцекачы з зоны АТА адыграў сумесны канцэрт з украінскімі выканаўцамі.
Натоўп жыхароў сустракаў у Святагорску Макарэвіча крыкамі "Малайчына" і "Дякуємо".
Раней Андрэй Макарэвіч не раз негатыўна выказваўся пра дзеянні Расіі ў дачыненні да Украіны і звяртаўся да расіян з просьбай не распальваць вайну.
