Затрыманая дачка палітвязня Рыгора Кастусёва
Дачка Рыгора Кастусёва Кацярына / @6tvby
Затрыманая дачка палітвязня Рыгора Кастусёва Кацярына. У канале сілавікоў з'явілася відэа, дзе яна паведамляе пра сваё затрыманне. Жанчына расказвае, што жыве ў Магілёве, працуе выкладчыцай у мясцовай аўташколе. Яна таксама кажа, што ў 2020 годзе "аказвала садзейнічанне экстрэмісцкаму фарміраванню "Вясна", а ў 2021 годзе зарэгістравалася ў боце "Плана Перамога". Затым затрыманая кажа, што яе накіроўваюць у ІЧУ.
Нагадаем, кіраўніка Партыі БНФ Рыгора Кастусёва асудзілі ў верасні 2022 года на 10 гадоў пазбаўлення волі па справе аб "захопе ўлады". У зняволенні ў яго выявілі анкалагічнае захворванне, стан здароўя сур'ёзна пагоршыўся. У пачатку красавіка стала вядома, што яго прааперавалі.
