Вы тут

Звольнены гендырэктар птушкафабрыкі "Дружба", член Савета Рэспублікі Маркевіч

Выступае Васіль Маркевіч / facebook.com

Звольнены гендырэктар птушкафабрыкі "Дружба" (Баранавіцкі раён), член Савета Рэспублікі Васіль Маркевіч, піша zerkalo.io. Ён ачольваў прадпрыемства амаль 20 гадоў. Цяпер жа ў "Дружбе" кажуць, што Маркевіч у іх ужо не працуе, але прычыны звальнення не каментуюць. З неафіцыйных крыніц вядома, што яго маглі затрымліваць. У якім прававым статусе ён знаходзіцца, невядома. Па тэлефоне былы кіраўнік не стаў адказваць на пытанне журналіста.

Птушкафабрыка "Дружба" — адно з найбуйнейшых прадпрыемстваў у нашай краіне па вытворчасці мяса птушкі. Васіль Маркевіч працаваў там з 2003 года, мае ўзнагароды, з'яўляецца заслужаным работнікам сельскай гаспадаркі.

facebook.com

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.