Змяніўся парадак запісу на візу ў польскіх візавых цэнтрах

У польскіх візавых цэнтрах змяніўся парадак падачы дакументаў на візу. Цяпер для падачы дакументаў будзе неабходна прайсці анлайн-верыфікацыю па асабістым ідэнтыфікацыйным нумары ў Міжбанкаўскай сістэме ідэнтыфікацыі (МСІ), паведамляюць у кампаніі VFS Global.

Сістэма МСІ выкарыстоўваецца для дыстанцыйнай ідэнтыфікацыі кліентаў і аказання ім паслуг пры дапамозе лічбавых каналаў абслугоўвання.

Новыя правілы падачы дакументаў пачнуць дзейнічаць з 28 лістапада.

Для паспяховага запісу заяўка па пошце мусіць быць адпраўленая з асабістай электроннай пошты заяўніка (для непаўналетніх — з электроннай пошты аднаго з бацькоў, які плануе падаваць дакументы за дзіця).

Цяпер улады будуць атрымліваць даныя яшчэ на этапе падачы на візу.