Жыхарку Докшыцаў пасадзілі на 2 гады за дапамогу рэпрэсаваным
Да двух гадоў калоніі прысудзілі за дапамогу рэпрэсаваным жыхарку Докшыцаў Вольгу Ялцэвіч. Прысуд па яе крымінальнай справе вынес суддзя Маскоўскага раёна Брэста Яўген Брэган.
Ялцэвіч абвінавачвалі ў фінансаванні пратэстнай дзейнасці. Згодна з матэрыяламі следства, не пазней за 12 жніўня 2020 года жанчына "на розных інтэрнэт-рэсурсах ад імя аднаго з замежных фондаў апублікавала інфармацыю аб зборы грошай для падтрымкі грамадзян, якія прымалі ўдзел у несанкцыянаваных масавых мерапрыемствах на тэрыторыі Рэспублікі Беларусь".
Вольга аплочвала штрафы асуджаных за ўдзел у пратэстах, адвакатаў для іх, сборы за падачу скаргаў.
33-гадовая жанчына прызнаная палітзняволенай.
