Вы тут

Журналіст Юрый Дзяшук — падазраваны па крымінальнай справе

Юрый Дзяшук / БАЖ

Журналіст Юрый Дзяшук, якога 20 студзеня затрымалі ў Лідзе, — падазраваны па крымінальнай справе аб злосным хуліганстве (ч. 2 арт.339 Крымінальнага кодэкса). 

Як паведамляе прэс-служба БАЖ са словаў сваякаоў журналіста, Дзешука змясцілі ў ізалятар часовага ўтрымання на 72 гадзіны, пакуль прымуць рашэнне пра меру стрымання. 

Родныя мяркуюць, што затрыманне журналіста звязанае з крымінальнай справай, пачатая пасля суда над лідскім актывістам Вітольдам Ашуркам. Калі суддзя пасля закрытага працэсу абвясціў Ашурку 5 гадоў зняволення, прысутныя абурыліся і сталі крычаць "Ганьба!" і "Верым! Можам! Пераможам!". 

Гэты момант зняла на відэа журналістка Вольга Быкоўская і размясціла на сваёй старонцы ў Фэйсбуку. Але там добра бачна, што Дзяшук (справа ў белым шаліку) займаецца журналісцкай працай: ён увесь час здымае падзеі. 

Пасля суда над Ашуркаму міліцыянты затрымлівалі многіх з тых, хто быў на абвяшчэнні прысуду.

Дзяшук стаў дзясятым прадстаўніком СМІ, які знаходзіцца ў няволі па крымінальнай справе.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.