Затрымалі палітычную блогерку Вольгу Такарчук, яна паспела запісаць відэа

Затрымалі палітычную блогерку Вольгу Такарчук, яна паспела запісаць відэа

25 студзеня суд Першамайскага раёна Мінска аштрафаваў палітычную блогерку Вольгу Такарчук за ўдзел у несанкцыянаванай акцыі 29 лістапада на 870 рублёў. Пры гэтым суддзя Максім Трусевіч спаслаўся на яе відэа на YouTube. Такарчук не пагадзілася, заявіла, што відэа было зроблена раней і толькі ў той дзень апублікавана. Як паведамляе тэлеграм-канал @viasnanazirae, Вольгу Такарчук адразу ж затрымалі ў судзе па іншай адміністрацыйнай справе і цяпер будуць судзіць за пікетаванне 23 снежня на... балконе з шарыкамі. Гэты факт таксама збіраюцца даказаць з дапамогай відэа.

Такарчук запісала відэазварот на выпадак свайго арышту. У ім яна кажа, што не захацела хавацца ці выязджаць за мяжу, але не змагла і маўчаць. "Калі кожны з нас замаўчыць, будзе тое, што было год таму: кожны на кухні ціхенька ненавідзеў уладу, асуджаў яе, але сядзеў і нічога не рабіў, — кажа яна. — Жыць на каленях я не хачу".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі