Замірэнне: ці магчымае яно і на якіх умовах — эфір са Шчыгельскім

Апошнім часам з розных бакоў і ў розных фарматах кажуць пра адно і тое ж — неабходнасць замірэння ў беларускім грамадстве. З боку рэжыма гэта гучыць ў фармаце: “прыязджайце, адсядзіце і працуйце на радзіме пад наглядам”. З іншага боку кажуць пра неабходнасць перамоў з рэжымам альбо дзеля вызвалення палітвязняў, альбо — дзеля ўратавання незалежнасці краіны. Адметна, што ўсё гэта прамаўляюць на фоне пашырэння і ўзмацнення рэпрэсій ды новых шоу з захопам “тэрарыста”.

Ці магчымае замірэнне сёння і ці існуюць сігналы, каб ўзнімаць гэтую тэму? Як рэагуе беларускае грамадства на падзеі ўнутры Беларусі і што можа стаць штуршком для “рэвалюцыйнай сітуацыі”? Што стаіць за стварэннем партыі ўлады і як беларусам стварыць сваю “армію вызвалення”? На гэтыя ды іншыя пытанні адказвае палітычны прадстаўнік палка Каліноўскага і руху «Супраціў» Зміцер Шчыгельскі.