Вы тут

"З дном горада": як прайшоў "Жаночы марш" у Мінску ФОТАРЭПАРТАЖ

"Жаночы марш" у Мінску / Еўрарадыё

12 верасня Мінск адзначае Дзень горада, але гарадскія ўлады сёлета адмовіліся ад правядзення святочных гулянняў. Афіцыйнай прычынай названая эпідсітуацыя.

Аднак без масавых мерапрыемстваў у сталіцы не абышлося. У Мінску ў суботу прайшоў чарговы "Жаночы марш". Акцыя пачалася на плошчы Свабоды а ​​15:00 з жорсткіх затрыманняў сілавікамі у зялёнай форме. Пасля таго як некалькіх дзесяткаў жанчын ім удалося літаральна выпхнуць з плошчы, пратэстоўцы рушылі праз вуліцу Зыбіцкую на праспект Незалежнасцi. Ужо там калона жанчын у разы павялічылася: па падліках журналістаў, у шэсці прымалі ўдзел больш за 10 тысяч чалавек.

Па дадзеных праваабарончага цэнтра "Вясна", на акцыі былі затрыманыя не менш за 37 чалавек, у тым ліку двое журналістаў "Белсат".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.