Вы тут

Яшчэ адзін прысуд па "справе Зельцэра": 3 гады калоніі музыку Віктару Катоўскаму

Віктар Катоўскі / Фота з сацсетак

Яшчэ адзін прысуд па "справе Зельцэра". 14 красавіка ў Брэсцкім абласным судзе да 3 гадоў калоніі агульнага рэжыму і 3200 рублёў штрафу за тры каментары ў інтэрнэце прысуджаны бас-гітарыст гурта TerraKod 31-гадовы Віктар Катоўскі, паведамляюць праваабаронцы. Ён знаходзіцца за кратамі з канца верасня мінулага года, прызнаны палітзняволеным. Рашэнне вынес суддзя Мікалай Грыгаровіч.

Катоўскага прызналі вінаватым у "абразе" Аляксандра Лукашэнкі, у "абразе прадстаўніка ўлады", "распальванні сацыяльнай варожасці".

У Беларусі з мінулага года судзяць за каментары ў інтэрнэце пра перастрэлку ў Мінску, у выніку якой загінулі супрацоўнік КДБ Дзмітрый Федасюк і айцішнік Андрэй Зельцэр.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.