Выйшаў анімацыйны кліп на песню Вольскага і Ляўчук — "Палон"
Выйшаў анімацыйны кліп на песню Лявона Вольскага і Маргарыты Ляўчук — "Палон". Гэтая праца мастачкі Маргарыты Ціхановіч — рэакцыя на апошнія падзеі ў Беларусі.
"І вось вам — наш калядны падарунак, — гаворыцца ў апісанні кліпа. — Чаму ён такі? Што тут адкажаш? Якая краіна, такі і падарунак”.
У жніўні на ўгодкі пратэстаў у Беларусі Вольскі прэзентаваў кліп на ўжо вядомую песню "Палон". У ім зняліся беларускія палітзняволеныя і іх сваякі, а таксама музыкі, акцёры, мастакі.
