Вы тут

Вольгу Брыцікаву асудзілі на 15 сутак за антываенны надпіс на куртцы

Вольга Брыцікава / "Вестник Нафтана"

Старшыню незалежнага прафсаюза "Нафтана" Вольгу Брыцікаву асудзілі на 15 сутак арышту, абвінаваціўшы ў незаконным пікетаванні. Суд над ёй адбыўся 3 сакавіка, пішуць "Народныя навіны Віцебска".

Жанчыну затрымалі 27 лютага на выбарчым участку. Брыцікава прыйшла на галасаванне ў куртцы з надпісам "Не — вайне". Гэта і стала падставай для затрымання і складання пратакола паводле артыкула 24.23 КаАП. 

Паводле звестак МУС, па ўсёй Беларусі на антываенных акцыях 27 лютага было затрымана каля 800 чалавек. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.