Віталь Кутузаў дыскваліфікаваны на тры з паловай года
33-гадовы беларускі форвард трапіў у лік іншых 20 футбалістаў, замяшаных у справу пра арганізацыю дамоўных матчаў у Італіі.
Пра гэта абвясціла Федэрацыя футбола Італіі, піша goals.by.
Усе пакараныя гульцы праходзілі па справе пра матчы "Бары" супраць "Трэвіза" ў траўні 2008 года і "Салернітаны" ў траўні 2009 года.
Усе футбалісты прызнаны вінаватымі або ў арганізацыі дамоўных матчаў, або ў адмове пра інфармаванне футбольных органаў і паліцыі пра падрыхтоўку такіх гульняў.
Калі тэрмін дыскваліфікацыі скончыцца, Віталю Кутузаву будзе амаль 37 гадоў.
