Вайна ў Карабаху — усё, у Ерэване пачаліся беспарадкі

Незадаволеныя пагадненнем жыхары Ерэвана ўварваліся ў будынак парламента​ / Reuters
Незадаволеныя пагадненнем жыхары Ерэвана ўварваліся ў будынак парламента​ / Reuters

Прэзідэнт Арменіі Нікола Пашынян у ноч на аўторак паведаміў аб падпісанні Пагаднення аб спыненні ваенных дзеянняў у Нагорным Карабаху.

"Я прыняў вельмі цяжкае рашэнне для сябе і ўсіх нас. Я падпісаў заяву з прэзідэнтамі Расіі і Азербайджана аб спыненні карабахскай вайны з 01:00",напісаў Пашынян у Фэйсбук.

Ён таксама адзначыў, што тэкст заявы "невыказна балючы" для яго асабіста і для ўсяго армянскага народа. Але, па яго словах, гэта было "найлепшае магчымае рашэнне сітуацыі, якая склалася". "Гэта не перамога", прызнаў Пашынян, але дадаў, што армянскі бок не прызнае сябе і прайграўшым.

У тэксце Пагаднення 9 пунктаў. Яны прадугледжваюць поўнае спыненне агню і ўсіх ваенных дзеянняў у зоне канфлікту, абмен ваеннапалоннымі і ўвод у зону нядаўняга канфлікту расійскіх міратворцаў — спачатку на 5 гадоў, але "з аўтаматычным падаўжэннем на чарговыя 5-гадовыя перыяды, калi нi адзiн з Бакоў не заявiць ... аб намеры спыніць прымяненне дадзенага становішча".

Акрамя таго, азербайджанскі і армянскі бакі застануцца на занятых пазіцыях, растлумачыў пункты Пагаднення прэзідэнт Расіі Ўладзімір Пуцін.

Война в Карабахе — всё, в Ереване начались беспорядки

Шэсць самалётаў з расійскімі міратворцамі ўжо вылецелі ў Нагорны Карабах з Ульянаўска, паведаміла інфармагенцтва ТАСС са спасылкай на Мінабароны РФ.

Прэзідэнт Азербайджана Аліеў вітаў дакумент, сказаў, што "вельмі рады", што "сёння ставіцца кропка ў справе ўрэгулявання шматгадовага канфлікту паміж Арменіяй і Азербайджанам". Яго выступ транслявалі азербайджанскія тэлеканалы.

У Ерэване пасля таго, як стала вядома аб падпісанні Пагаднення, пачаліся беспарадкі. Незадаволеныя сітуацыяй людзі ўварваліся ў будынкі ўраду і парламента Арменіі. Паліцыя не ўжывала сілу.

Прадстаўнікі апазіцыйнай парламенцкай фракцыі ў Арменіі заявілі, што маюць намер ініцыяваць скліканне парламента для вырашэння пытання аб выхадзе Ерэвана з карабахскіх дамоўленасцей.

"Для адмены дадзенага заявы — а гэта ўсё ж такі проста заява — патрабуецца пазачарговае пасяджэнне парламента. Мы цяпер працуем над гэтым", — сказала журналістам дэпутат Наір Заграбян, яе цытуе ТАСС.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі