Ва Украіне трапіў пад грузавік і перакуліўся аўтобус з беларусамі

Ва Украіне трапіў пад грузавік і перакуліўся аўтобус з беларусамі. Шэсць чалавек пацярпелі, іх завезлі ў бальніцу.

Як паведамляе паліцыя Кіеўскай вобласці, здарэнне адбылося ў чацвер каля 15-й гадзіны на 51-м кіламетры аўтадарогі Кіеў — Знамянка. Аўтобуз "ПАЗ" з 17 беларусамі ехаў у бок Кіева і ў нейкі момант "не прадаставіў пераваг у руху грузавіку", з-за чаго і адбылося сутыкненне. Пацярпелых завезлі ў Абухоўскую цэнтральную раённую бальніцу. Яны атрымалі траўмы сярэдняй і лёгкай ступені цяжкасці. Пагрозы для жыцця няма.