Ва Украіне пачалі крымінальную справу за збіццё каліноўца байцамі "Тэрора"

Полк Каліноўскага / t.me/belwarriors
Полк Каліноўскага / t.me/belwarriors

Ва Украіне пачалі крымінальную справу за тое, што прадстаўнікі батальёна "Тэрор" збілі добраахвотніка палка Каліноўскага. Пра гэта на прэс-канферэнцыі 6 снежня ў Кіеве расказаў прадстаўнік палка Мікалай Дземідзенка.

Ён не ўдакладніў, паводле якога артыкула пачалі крымінальную справу і супраць каго канкрэтна.

Як паведамляе "Медыязона", 28 лістапада ў чаце "Беларускі Дом ва Украіне" з'явілася паведамленне, што ў Мікалаеве байцы батальёна "Тэрор" захапілі і катавалі добраахвотніка з палка Каліноўскага. Паведамлялася, што байца прымусілі сказаць пад відэазапіс, быццам ён займаўся марадзёрствам у Аляксандраўцы, "схілялі да суіцыду і прапаноўвалі забіць куратара ГУР".

Прадстаўнік батальёна "Тэрор" Радзівон Батулін на запыт журналістаў "Медыязоны" адказаў, што не мае часу "на абвяржэнне ўсёй х...ні, якую ён кожны дзень чуе пра батальён".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі