Ва Украіне дазволяць свабодна валодаць пісталетам
Адбудзецца гэта ўжо ў наступным годзе
Ва Украіне дазволяць свабодна валодаць пісталетам. Адбудзецца гэта ўжо ў наступным годзе, паведаміў дарадца міністра ўнутраных справаў Украіны Віктар Андрусіў:
— Украінцы далі адназначны адказ адносна дазволу на свабоднае валоданне зброяй. 70% з апытаных падтрымалі права на свабоднае яго нашэнне. Падкрэслю, што гаворка ідзе менавіта аб пісталеце, а не гранатамёце або аўтамаце Калашнікава.
Па словах Андрусіва, адпаведнае заканадаўства будзе прынятае на працягу лета-восені.
