Ва Украіне асуджаны расійскі танкіст, які абстраляў шматпавярховы жылы дом

Ва Украіне асуджаны расійскі танкіст, які абстраляў шматпавярховы жылы дом

Ва Украіне асуджаны на 10 гадоў калоніі расійскі танкіст Міхаіл Кулікоў, які абстраляў шматпавярховы жылы дом. Працэс праходзіў з чэрвеня ў Чарнігаве. Як піша suspilne.media, украінцы ўзялі расіяніна ў палон 26 лютага ў наваколлі Чарнігава. Суд прызнаў Кулікова вінаватым у тым, што ён ехаў на танку ў Чарнігаве і выканаў загад адкрыць стральбу па шматпавярховіку. Снарад трапіў у кватэру на 10-м паверсе.

Грамадзянін РФ прасіў у судзе прабачэння ва ўкраінцаў. Сваю віну ён прызнаў.

Гэта не першы працэс над расійскімі вайскоўцамі ва Украіне. У траўні расійскі вайсковец Вадзім Шышымарын атрымаў пажыццёвае зняволенне за забойства мірнага жыхара. Тады ж двух расійскіх вайскоўцаў за абстрэл Харкаўскай вобласці асудзілі на 11,5 года зняволення.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі