Уначы ў Беларусі месцамі будзе да 13 градусаў марозу

У чацвер, 30 сакавіка, у Беларусі пераважна без ападкаў. Уначы невялікі снег прагназуецца толькі на ўсходзе краіны, а ўдзень на паўночным захадзе магчымыя невялікія мокры снег і дождж. Сіноптыкі папярэджваюць пра галалёдзіцу ў многіх раёнах на дарогах.

У начныя гадзіны тэмпература паветра складзе ад -2 да -8 градусаў (месцамі — да -13, у сталіцы — да -9), у дзённыя гадзіны — 2-8 цяпла (на захадзе — да +11, у Мінску — ад +3 да +8).