Улады Беларусі спадзяюцца атрымаць вакцыну Pfizer пры ўдзеле амбасады ЗША

Улады Беларусі спадзяюцца атрымаць вакцыну Pfizer пры ўдзеле амбасады ЗША

Улады Беларусі спадзяюцца атрымаць вакцыну Pfizer пры ўдзеле амбасады ЗША. Пра гэта заявіла першы намеснік міністра аховы здароўя Алена Богдан.

"Перагаворы з вытворцамі вакцын AstraZeneca і Pfizer праводзіліся, яны не прыйшлі да нас, і больш перагаворы не вядуцца,цытуе яе словы "Звязда". — У той жа час, вядзем перагаворы па пастаўках да нас Pfizer пры ўдзеле амбасады ЗША. Адказ: калі застанецца, мы вам перададзім".

Адзначым, што перамовы вядуцца, нягледзячы на ўведзеныя Злучанымі Штатамі санкцыі, на непрызнанне Вашынгтонам легітымнасці Аляксандра Лукашэнкі, на неатрыманне амбасадаркай Джулі Фішэр беларускай візы.

Богдан удзельнічала ў круглым стале, прысвечаным тэме вакцынацыі ад COVID-19. "У якасці стратэгіі выбралі супрацоўніцтва з Расійскай Федэрацыяй, — гаварыла першы намеснік міністра. — Удзельнічалі і ў выпрабаваннях яе вакцыны. Першыя атрымалі партыі для прышчэпкі... Пасля мы змаглі на прадпрыемствах "Белфармацыі" наладзіць вытворчасць расійскай вакцыны".

Алена Богдан падкрэсліла, што "створаны ў нас "Спутнік" мае некалькі ступеняў кантролю якасці".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі