Украіна закрыла пункт пропуску Вільча на мяжы з Беларуссю — ДПК РБ
Выезд ва Украіну праз памежны пераход Аляксандраўка — Вільча часова закрыты / gpk.gov.by
Украіна закрыла да 3 сакавіка памежны пераход Вільча — Аляксандраўка, паведамілі ў Дзяржаўным памежным камітэце Беларусі. Беларускіх памежнікаў аб гэтым праінфармавалі ўкраінскія калегі.
Пры гэтым астатнія памежныя пераходы на беларуска-ўкраінскай мяжы пакуль працуюць, адзначылі ў ДПК.
Раней украінскія памежнікі заяўлялі, што іх атакуюць у тым ліку з тэрыторыі Беларусі. Яны вымушаныя весці баі.
У жывым эфіры CNN можна было бачыць, як калона ваеннай тэхнікі заязджае ва Украіну праз памежны пераход з Беларуссю. Паведамлялася, што гэта відэа з памежнага пераходу Сянькоўка — Весялоўка.
