Украіна атрымала новую партыю HIMARS
Украіна атрымала новую партыю амерыканскіх рэактыўных сістэм залпавага агню HIMARS. Пра гэта паведаміў украінскі міністр абароны Аляксей Рэзнікаў. З ЗША прыбылі чатыры адзінкі HIMARS.
"Мы даказалі, што мы ўмеем абыходзіцца з гэтым узбраеннем, — піша Рэзнікаў. — Гук залпу HIMARS стаў галоўным музычным хітом гэтага лета на перадавой!".
Першыя рэактыўныя сістэмы залпавага агню Украіна атрымала ў чэрвені. У ліпені трапнымі ўдарамі HIMARS былі знішчаныя дзясяткі складоў і камандных пунктаў расіян.
Украіна мае ўжо больш за 20 амерыканскіх рэактыўных сістэм залпавага агню. Расійскі бок неаднаразова заяўляў пра знішчаныя HIMARS, аднак украінцы і амерыканцы гэтага не пацвердзілі.
