У жыхара Пастаў канфіскавалі аўтамабіль за захоўванне "экстрэмісцкіх" улётак
Volkswagen Bora / фота носіць ілюстрацыйны характар
Суд Пастаўскага раёна аштрафаваў мясцовага жыхара Андрэя Стабулянца за распаўсюджванне "экстрэмісцкіх" матэрыялаў і канфіскаваў у яго аўтамабіль. Пра гэта паведамляе "Віцебская Вясна".
Праваабаронцы пішуць, што паводле матэрыялаў справы, 16 сакавіка супрацоўнікі міліцыі знайшлі ў бардачку аўтамабіля Volkswagen Bora, які належыць Стабулянцу, 5 улётак з інфармацыяй пра Народнае антыкрызіснае кіраванне.
За гэта суддзя Наталля Максімавіч аштрафавала Стабулянца на 740 рублёў і вынесла рашэнне аб канфіскацыі аўтамабіля.
