У Ёрку ў караля Вялікабрытаніі Карла III кідалі яйкі
Карл III у Ёрку / Скрыншот з відэа "Бі-Бі-Сі"
У караля Вялікабрытаніі Карла III кідалі яйкі. Здарэнне адбылося ў сераду ў Ёрку на вуліцы каля гарадской брамы. Невядомы мужчына кінуў некалькі яек у бок караля і яго жонкі каралевы-кансорт Камілы, але не патрапіў у іх. Зламысніка затрымалі.
Карл III быў абвешчаны каралём неўзабаве пасля смерці сваёй маці Лізаветы II. Яе не стала 8 верасня 2022-га на 97-м годзе жыцця. Каранацыя пройдзе 6 траўня 2023 года.
