У трох беларускіх ВНУ сёння памяняюцца рэктары

Галоўны корпус БДУ / БЕЛТА​
Галоўны корпус БДУ / БЕЛТА​

Праўладны канал у тэлеграме "Пул Першага" праанансаваў змену рэктараў у трох ВНУ.

"Патэнцыйныя кандыдаты проста цяпер у прыёмнай Першага", — піша канал.

Адзін з чыноўнікаў, якія чакаюць прыёму ў кіраўніка краіны, — як мяркуецца, прарэктар па вучэбнай рабоце БНТУ Аляксандр Бахановіч.

Студэнты сталічных ВНУ дагэтуль выходзяць на пратэсты і кожны дзень ладзяць акцыі ў сябе ў ВНУ. Актыўна выказваюць пазіцыю студэнты БНТУ, МДЛУ, БДУІР. У панядзелак чарговую акцыю правялі і студэнты БДУ. Яны сабраліся ў галоўным корпусе ўніверсітэта, каб выказацца супраць гвалту і выказаць салідарнасць з затрыманымі студэнтамі.

9 кастрычніка Лукашэнка выказаў незадаволенасць рэктарамі ўніверсітэтаў: "Паводзіны часткі студэнтаў паказваюць іх, мякка кажучы, нядбайнае стаўленне да вышэйшай адукацыі". Ён таксама сказаў, што рэктары "недапрацоўваюць", і выказаў намер вырашыць у такіх ВНУ "кадравую праблему".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі