У Расіі ў вышук аб'явілі 13 узброеных вайскоўцаў, якія ўцяклі з Херсона ў Крым
Група вайскоўцаў са зброяй знікла з Херсона / Ілюстрацыйнае фота ria.ru
З "арыенціроўкі" вынікае, што ўцекачы служылі ў добраахвотніцкім казачым атрадзе "Дон".
У Расіі ў вышук аб'явілі 13 узброеных вайскоўцаў, якія на скрадзеных аўтамабілях уцяклі з Херсона ў Крым. З "арыенціроўкі", апублікаванай у Facebook, вынікае, што ўцекачы служылі ў добраахвотніцкім казачым атрадзе "Дон". Яны зніклі раніцай 28 верасня. Прыхапілі з сабой зброю (не толькі аўтаматы, пісталеты, але і гранатамёт) і боепрыпасы.
Першым у дакуменце згадваецца Аляксандр Фірсаў, якога называюць кіраўніком банды. Адзначаецца, што яны "вельмі небяспечныя", маюць баявы вопыт. А яшчэ іх падазраюць у серыі цяжкіх і асабліва цяжкіх злачынстваў, здзейсненых на тэрыторыі Херсонскай вобласці. Сярод уцекачоў ёсць былыя зняволеныя.
Расійскія крыніцы пазней сталі абвяргаць сам факт такіх уцёкаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.