У плоце на мяжы Польшчы і Беларусі зрабілі 24 брамы для праходу буйных жывёл
Будаўнічыя працы на польска-беларускай мяжы, дзе з зімы ўзводзіцца металічны плот, ужо падыходзяць да завяршэння. Польскія памежнікі знялі відэа пра праходы ў плоце, якія прадугледжаны для буйных жывёл — 24 брамы. Для дробных жывёл зрабілі адтуліны. Такім чынам, не мусіць быць перашкод для іх натуральнай міграцыі (ці згадае пра гэта беларуская прапаганда, якая рэгулярна паведамляе пра загінулых на мяжы жывёл?).
Будаўніцтва 5-метровай сцяны пачалося ў студзені 2022 года і стала следствам міграцыйнага крызісу, які штучна стварыў афіцыйны Мінск у 2021 годзе. Кошт праекта склаў 353 мільёны еўра. Плот пабудуюць на працягласці 186 км.
#bariera
— Straż Graniczna (@Straz_Graniczna) June 29, 2022
Prace nad budową bariery fizycznej na granicy dobiegają końca.Już ruszyła instalacja bariery elektronicznej.
W barierze fizycznej są 24 przejścia dla dużych zwierząt
i 140 tys. otworów dla małych zwierząt oraz przepusty na istniejących ciekach wodnych#bezpieczni pic.twitter.com/vgNWALDIZC
