У паўфінале Australian Open упершыню згуляюць дзве беларускі
Арына Сабаленка / https://twitter.com/WTA
У паўфінале Australian Open упершыню згуляюць дзве беларускі. Пасля Вікторыі Азаранка (24-я ў сусветным рэйтынгу) туды прабілася і Арына Сабаленка (5-я ракетка свету). У чвэрцьфінале яна абыграла Дону Векіч (64) з Харватыі — 6:3, 6:2. Яе наступная саперніца — Магда Лінэт (45) з Польшчы.
Саперніцай Азаранка ў паўфінале будзе Алена Рыбакіна (25) з Казахстана. Вікторыя двойчы выйгравала Australian Open — у 2012 і 2013 гадах.
