У Наваполацку, дзе закрылі мост, пабудавалі пантонную пераправу праз Дзвіну

У Наваполацку, дзе нядаўна закрылі адзіны мост, пабудавалі пантонную пераправу праз Дзвіну. Як паведамляе gorod214.by, яе даўжыня складае 130 метраў. Ратавальнікі працавалі ў раёне гарадскога пляжу ў 30-градусную спёку. Мост сабралі з 20 пантонаў, кожны з якіх важыць 7 тон.

Мяркуецца, што пераправа будзе прызначана для пешаходаў і аўтамабіляў экстранных службаў. Адкрыюць яе да канца чэрвеня, калі будуць зроблены пад'язныя шляхі.