У Мінску прызыўніка-ухіліста аштрафавалі на 6400 рублёў

Судзяць ухіліста / Фота ваеннага камісарыята Цэнтральнага раёна Мінска

У Мінску асуджаны два прызыўнікі-ухілісты, якія не з'явіліся на медасведчанне без паважных прычын. Як піша minsknews.by, іх крымінальныя справы разглядаў суд Цэнтральнага раёна і прызнаў іх вінаватымі "ва ўхіленні ад мерапрыемстваў па прызыве на вайсковую службу". Адзін малады чалавек быў аштрафаваны на 6400 рублёў, другі атрымаў тры месяцы арышту.

Сёлета толькі ў Цэнтральным раёне беларускай сталіцы прыцягнулі да крымінальнай адказнасці чатырох ухілістаў. У верасні ў Першамайскім раёне два месяцы арышту атрымаў мінчук, які вярнуўся з Польшчы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.