У мінскім Уруччы ўначы прарвала цеплатрасу

У мінскім мікраране Уручча на вуліцы Гарадзецкай, 15 ўначы прарвала цеплатрасу. 

Як піша прэс-служба МНС, паведамленне пра гэтую аварыю ратавальнікі атрымалі ў 23:30. Прарвала сталёвы трубаправод дыяметрам 400 мм. 

Без ацяплення і гарачай вады ўсю ноч заставаліся 48 шматкватэрных жылых дамоў, тры дзіцячыя садкі, тры школы і шэсць адміністрацыйных будынкаў. 

Аднавіць падачу цяпла рамонтнікі здолелі 15 сакавіка ў 6:30.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.