У Мінпрацы распавялі пра будучыя змены ў аплаце бальнічных

 "Павысіцца ўзровень сацыяльных гарантый", але не хутка / БЕЛТА
 "Павысіцца ўзровень сацыяльных гарантый", але не хутка / БЕЛТА

У Мінпрацы Беларусі распавялі пра будучыя змены ў аплаце бальнічных. Новаўвядзенне чакаецца толькі праз год — з 1 студзеня 2024-га. Сцвярджаецца, што тады "павысіцца ўзровень сацыяльных гарантый грамадзянам па аплаце бальнічных".

Што ж зменіцца? Тым беларусам, хто адпрацаваў 10 гадоў і больш, з першага дня хваробы будуць плаціць "100% ад страчанага заробку". Хто адпрацаваў менш, атрымае толькі 80%. На сённяшні дзень за першыя 12 дзён хворы атрымлівае 80% ад заробку, і толькі далей — поўную кампенсацыю. Мінімальны памер бальнічных прывяжуць да мінімальнага заробку, які рэгулярна індэксуецца.

Яшчэ адна змена — пры разліку бальнічных будзе ўлічвацца заробак ва ўсіх працадаўцаў, а не толькі ад асноўнага. Будуць улічвацца ўсе выплаты, на якія налічваюцца ўнёскі ў Фонд сацыяльнай абароны. Больш падрабязна — на сайце Мінпрацы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі