У Гродне ліквідуюць таварыства абароны правоў спажыўцоў
Гродзенскія спажыўцы застаюцца без абароны правоў / shutterstock.com
Гродзенскае "Таварыства абароны правоў спажыўцоў" вырашылі ліквідаваць праз суд. Працэс пачынаецца 22 жніўня па ініцыятыве галоўнага ўпраўлення юстыцыі Гродзенскага аблвыканкама.
Арганізацыя працавала больш за 20 гадоў. У выпадку ўхвалы іскавай заявы ў вобласці не застанецца іншай падобнай структуры.
Са жніўня 2021-га ў Гродзенскай вобласці знаходзіцца ў працэсе ліквідацыі аналагічная грамадская арганізацыя — "Рэвізор". Старшыня арганізацыі спрабаваў аспрэчыць закрыццё ў Вярхоўным судзе, але безвынікова.
