У Дзярждэпе ЗША анансавалі ўсёабдымны стратэгічны дыялог з беларускім дэмрухам

Святлана Ціханоўская і Вэндзі Шэрман / state.gov
Святлана Ціханоўская і Вэндзі Шэрман / state.gov

Святлана Ціханоўская распачала свой трэці візіт у Злучаныя Штаты. Яна ўжо сустрэлася з намесніцай дзяржсакратара ЗША Вэндзі Шэрман. Як паведамляе прэс-служба Дзярждэпа, "напярэдадні Дня Волі Беларусі 25 сакавіка намесніца дзяржсакратара выказала нязменную прыхільнасць Злучаных Штатаў падтрымцы імкнення беларускага народа да дэмакратычнай, суверэннай і стабільнай будучыні для Беларусі".

Шэрман паведаміла Ціханоўскай пра намер ЗША "пачаць ўсёабдымны стратэгічны дыялог з беларускім дэмакратычным рухам і грамадзянскай супольнасцю, пачынаючы з канца 2023 года".

У Дзярждэпе ЗША Святлана Ціханоўская абмеркавала прыцягненне да адказнасці рэжыму Аляксандра Лукашэнкі і санкцыі на калійныя ўгнаенні з РБ.

Тым часам дзяржсакратар ЗША Энтані Блінкен падчас слуханняў у сенацкім камітэце заявіў, што Дзярждэп працягвае разглядаць магчымасць прызначэння спецпрадстаўніка па ўзаемадзеянні з дэмакратычнымі сіламі Беларусі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі